Lidar «palakaŭ-vybarcaŭ Litvy»: Łukašenka — adziny čałaviek, ź jakim mahčyma naładzić dyjałoh
Lidar śpisu Vybarčaj akcyi palakaŭ Litvy — Sajuza chryścijanskich siemjaŭ Valdemar Tamašeŭski napiaredadni parłamienckich vybaraŭ parazvažaŭ pra ŭzajemaadnosiny ź Biełaruśsiu, paviedamlaje LRT.
07.10.2024 / 11:41
Valdemar Tamašeŭski. Fota: Wikimedia Commons
«Ja vystupaŭ za dobrasusiedskija adnosiny ź Biełaruśsiu i biełaruskim narodam, a nie z adnym čałaviekam. A. Łukašenka — prezident, i jaho nielha adździalić. Kali chtości dumaje, što heta možna zrabić, to jon albo naiŭny, albo niekampietentny, albo prosta chłusić. Biełaruś — naš blizki susied kulturna, histaryčna, linhvistyčna», — kaža V. Tamašeŭski.
Palityk ličyć, što A. Łukašenka — adziny čałaviek, ź jakim mahčyma naładzić dyjałoh pra ŭzajemaadnosiny Litvy i Biełarusi, i zaklikaje «być realistami».
Aproč inšaha, lidar VAPŁ-SCHS dzielicca svaim bačańniem zakančeńnia vajny va Ukrainie.
«Vajnu treba spynić jak maha chutčej šlacham pieramovaŭ i pošuku kampramisu», — miarkuje palityk.