U Breście pačali sudzić užo 11-ju hrupu za «hrubaje parušeńnie paradku» ŭ 2020 hodzie
Sudziać troch čałaviek.
07.10.2024 / 11:18
U sudzie Leninskaha rajona Bresta 7 kastryčnika pačali sudzić jašče troch čałaviek pavodle č. 1 art. 342 Kryminalnaha kodeksa (aktyŭny ŭdzieł u dziejańniach, što hruba parušaje hramadski paradak). Ciapier pad sud trapili Siarhiej Ničyparuk, Alaksandr Klimaševič, Jaŭhien Byčko, piša «Viasna».
Viadoma, što dyrektara bresckaj kampanii Jaŭhiena Byčko žorstka zatrymali na trasie M1 u siaredzinie lipienia. Mužčynu spynili supracoŭniki DAI, a paźniej padjechali siłaviki, jakija jaho i zatrymali. Na zapisanym siłavikami videa Byčko kaža, što ŭdzielničaŭ u paślavybarčaj akcyi pratestu ŭ Breście.
Kryminalnuju spravu suprać bieraściejcaŭ razhladaje Kryścina Papova.