У наступным годзе змяняць умовы працы маршрутак
Змены прадугледжаныя пастановай Савета Міністраў і Нацыянальнага банка ад 26 верасня 2024 года №704/22, паведамілі ў Міністэрстве падаткаў і збораў.
07.10.2024 / 10:32
Так, з 1 лістапада 2025 года ўвядуць абавязковае выкарыстанне плацежных тэрміналаў для гарадскіх аўтамабільных перавозак пасажыраў у маршрутных таксі, паведамляе БелТА.
Дакумент таксама ўключае шэраг іншых змен. Так, з 1 кастрычніка 2024 года індывідуальным прадпрымальнікам будзе забаронена займацца вытворчасцю (распрацоўкай) або пастаўкай на тэрыторыю Беларусі касавых падсумоўваючых апаратаў, уключаючы прылады, сумешчаныя з таксометрамі і білетадрукавальнымі машынамі.
З 1 ліпеня 2025 года спрашчаюцца патрабаванні да вядзення дыферэнцыяванага ўліку тавараў для суб'ектаў гаспадарання, якія прадаюць тавары, маркіроўка якіх уведзеная толькі на тэрыторыі Беларусі.
Пастанова таксама дазваляе выкарыстоўваць гандлёвыя аўтаматы для продажу тавараў, выканання работ і аказання паслуг без усталяванага касавага абсталявання да 1 ліпеня 2026 года.