Беларускі біскуп Аляксандр Яшэўскі сустрэўся ў Ватыкане з папам Францішкам
Дапаможны біскуп Мінска-Магілёўскай дыяцэзіі Аляксандр Яшэўскі прадстаўляе Каталіцкую царкву ў Беларусі на другой сесіі XVI звычайнай Генеральнай асамблеі сінода біскупаў, якая праходзіць з 2 кастрычніка.
05.10.2024 / 16:04
Пра сустрэчу паведаміў сам Аляксандр Яшэўскі ў інстаграме, апублікаваўшы фота з папам.
«Паразмаўляў сёння са Святым Айцом Францішкам. Ніхто нам не перашкаджаў. Не было іншых удзельнікаў у чарзе да Папы, таму мы сёння даўжэй паразмаўлялі. З бласлаўленнем Пантыфіка для ўсёй Беларусі я шчаслівы адышоў ад Святога Айца», — коратка апісаў ён сустрэчу.
Сутнасць размовы застаецца пакуль невядомай. Прэс-служба Святога Пасаду не паведаміла пра асабістую сустрэчу іерархаў, а афіцыйны партал Рымска-каталіцкага касцёла ў Беларусі таксама пра яе пакуль не згадвае.
Быў ксяндзом — стаў шматдзетным бацькам. Былы святар расказаў, што яго да гэтага падштурхнула
Папа Францішак папрасіў перадаць прывітанне Лукашэнку
Следства па справе ксяндза Генрыка Акалатовіча скончанае
Райаддзел культуры абвясціў збор грошай, каб закансерваваць касцёл Святога Духа