Były niamiecki ministr schudnieŭ na 30 kiłahramaŭ i adpraviŭ vopratku va Ukrainu
«Ludziej cikavić nie tolki palityčnaja vaha».
05.10.2024 / 08:18
Fota: telehram-kanał Bild
Były ministr Fiederalnaj kancylaryi Hiermanii Chielhie Braŭn u intervju časopisu Bunte raspavioŭ, što jamu ŭdałosia skinuć bolš za 30 kiłahramaŭ. Dla hetaha jon całkam źmianiŭ svoj racyjon i staŭ zajmacca sportam, piša Bild.
«Ja dazvalaju sabie tolki piać nievialikich pryjomaŭ ježy ŭ dzień. Dvojčy na tydzień ja płavaju pa dva kiłamietry. Bieź źmieny dyjety i fizičnych praktykavańniaŭ ničoha nie atrymajecca. Kali mnie spoŭniłasia 50, ja zrazumieŭ, što lišniaja vaha moža pryvieści da surjoznych prablem sa zdaroŭjem. Ja lepš zastanusia na baku doktara, a nie stanu pacyjentam», — kaža Braŭn, jaki raniej pracavaŭ doktaram.
U Braŭna atrymałasia schudnieć tolki paśla taho, jak jon pakinuŭ svaju pasadu ŭ Fiederalnaj kancylaryi, jakuju jon zajmaŭ z 2018 pa 2021 hod pry Anhiele Mierkiel. Pavodle jaho słoŭ, tady ŭ jaho prosta nie było času i sił na kłopat pra siabie.
«Kab chudnieć, patrebnyja kancentracyja i zapavoleńnie rytmu žyćcia, što niemahčyma pry takoj stresavaj pracy», — dzielicca Braŭn, jaki ciapier zajmaje pasadu staršyni biudžetnaha kamiteta Bundestaha.
Skinuŭšy vahu, Braŭn byŭ vymušany praktyčna całkam abnavić svoj harderob. Pavodle jaho słoŭ, staryja kaściumy jon adpraviŭ va Ukrainu, dzie ich ciapier vykarystoŭvajuć u vučebnaj majsterni