Ułady Polščy biarucca stavić na miažy ź Biełaruśsiu «Uschodni ščyt»
Ułady Polščy płanujuć da kanca 2024 hoda pačać ustalavańnie abarončych umacavańniaŭ na miežach ź Biełaruśsiu i Rasijaj u ramkach prahramy «Uschodni ščyt». Namieśnik ministra abarony Polščy Cezaryj Tomčak paviedamiŭ, što pieršyja vyprabavańni kampanientaŭ abarončych umacavańniaŭ pačnucca ciaham troch tydniaŭ.
04.10.2024 / 21:47
Meta «Uschodniaha ščyta» — abaranić Polšču ad nielehalnaj mihracyi i mahčymaha vajennaha ŭvarvańnia z boku Biełarusi i Rasii. Prahrama praduhledžvaje budaŭnictva novych umacavańniaŭ, płatoŭ, stvareńnie śpiecyjalnych lasnych nasadžeńniaŭ i źmianieńnie formy reljefu miažy Polščy ź dźviuma krainami.
Cezaryj Tomčyk taksama raskazaŭ, što Polšča zmahła pryciahnuć da realizacyi prajekta krainy Bałtyi, a taksama vojski Vialikabrytanii i ZŠA.
Jašče pry papiarednim polskim uradzie na miažy Polščy ź Biełaruśsiu byŭ pabudavany šmatkiłamietrovy płot, ale jahonuju efiektyŭnaść Tomčyk acaniŭ vielmi skieptyčna:
«My zastali dziravy płot — jon pavinien byŭ słužyć zasłonam ad usiaho, što pahražaje nam z uschodu, ale akazaŭsia dziravym, jak rešata», — adznačyŭ jon padčas pres-kanfierencyi.
Całkam skončyć budaŭnictva linii abarony płanujecca da 2028 hoda. Kaštavać prahrama budzie kala 10 młrd złotych (kala $2,6 młrd).
Polšča pavialičyć kantynhient na miažy da 17 tysiač sałdat
Polšča płanuje zaminiravać miažu ź Biełaruśsiu i Rasijaj
Ministr abarony Polščy: Cituacyja na miažy ź Biełaruśsiu surjoznaja, cisk uzmacniŭsia