Здарэнні

У Мазыры палаў будынак былой павятовай бальніцы пачатку XX стагоддзя

Нягледзячы на тое, што за 20 метраў ад гістарычнага помніка размешчаны мясцовы РАУС, шмат гадоў занядбаны будынак, відавочна, стаў прыстанкам для бяздомных і іншых маргіналаў, піша тэлеграм-канал «Спадчына».

Будынак па вул. Рыжкова, 11 — афіцыйны помнік архітэктуры, але ў Дзяржаўны спіс унесены пад памылковай назвай «Былы гарадскі асабняк» (шыфр 312Г000861).

Насамрэч гэта не так, будынак адразу пабудаваны як бальніца, а ягоны архітэктурны дэкор дакладна паўтарае архітэктурны дэкор комплексу Політэхнічнага інстытута ў Кіеве.

Пазней пажар удалося патушыць, але на гэта спатрэбілася каля гадзіны. карыстальнікі ў сацыяльных сетках выказваюць шкадаванне, што Мазыр страціў прыгожы гістарычны будынак, які пры належным да яго стаўленні мог бы стаць славутасцю горада.

Каментары да артыкула