Stała viadoma prybliznaje miesca padzieńnia rasijskaha BPŁA ŭ Kalinkavičach
Krynica vydańnia «Fłahštok» u Kalinkavickim rajonie paviedamiła, što heta adbyłosia na vulicy Kujbyšava ŭ paŭdniova-ŭschodniaj častcy Kalinkavičaŭ. Mienavita hetuju vulicu ranicaj pierakryvała milicyja.
03.10.2024 / 22:00
Vulica Kujbyšava ŭ Kalinkavičach zabudavanaja pieravažna pryvatnymi adnapaviarchovymi damami, taksama tam raźmiaščajucca niekalki pramysłovych i administracyjnych terytoryj i mohiłki.
Dakładnaje miesca padzieńnia latalnaha aparata na hetaj vulicy nieviadomaje.
Ukrainskija manitorynhavyja kanały siońnia paviedamili pra ŭvarvańnie ŭ pavietranuju prastoru Biełarusi rasijskaha ŭdarnaha BPŁA typu «Šachied» z terytoryi Kijeŭskaj vobłaści Ukrainy. Heta adbyłosia kala 04:40 ranicy.
Prykładna ŭ 04:55 žycharoŭ Kalinkavičaŭ pabudziŭ śvist padajučaha BPŁA. Huk vybuchu byŭ takoj siły, što mnohim śviedkam zdałosia, što vyleciać šyby ŭ voknach. Hukavaja chvala dajšła da susiednich viosak.
Aficyjna pra hety vypadak pakul što ničoha nie paviedamlałasia.
U Kalinkavičach ranicaj uzarvaŭsia «šachied»?
Try «šachiedy» zalacieli ŭ Biełaruś, u niebie ciapier i viertalot Łukašenki
Hetaj nočču ŭ Biełaruś zalacieŭ čarhovy «šachied»