Вялікабрытанія ўвяла санкцыі супраць беларускага Альфа Банка
Уведзеныя рэстрыкцыі прадугледжваюць арышт актываў банка ў Вялікабрытаніі, калі такія будуць там выяўленыя.
03.10.2024 / 13:41
Ілюстрацыйнае фота
Улады Вялікабрытаніі ўвялі санкцыі супраць беларускага Альфа Банка.
У абгрунтаванні сказана, што ЗАТ «Альфа Банк Беларусь» атрымлівае выгаду, падтрымліваючы беларускую дзяржаву, бо «ажыццяўляе дзейнасць у ключавым для яго стратэгічным сектары фінансавых паслуг».
Уведзеныя рэстрыкцыі прадугледжваюць арышт актываў банка ў Вялікабрытаніі, калі такія будуць там выяўленыя.
Летась ЕС увёў санкцыі супраць расійскага Альфа Банка. Акрамя таго, расійскі Альфа-Банк з вясны 2022 года знаходзіцца ў амерыканскім санкцыйным спісе.