Upieršyniu ŭ historyi Mieksiki žančyna stała prezidentam
Cikava, što hetaj žančynie habrejskaha pachodžańnia zakidajuć antyizrailskuju pazicyju.
03.10.2024 / 11:40
Fota: Fernando Llano / AP
62-hadovaja Kłaŭdyja Šejnbaum — pieršaja žančyna, jakaja ŭznačaliła Mieksiku. Doŭhi čas jana pracavała daśledčykam navakolnaha asiarodździa va ŭniviersitecie, zatym stała meram Miechika, a paśla — prezidentam krainy, piša Bild.
Šejnbaŭm — nie tolki pieršaja žančyna na najvyšejšaj pasadzie ŭ historyi Mieksiki, ale i pieršy prezident z habrejskimi karaniami. Siamja jaje baćki źbiehła ŭ Mieksiku ź Litvy ŭ 1920-ja hady, a maci emihravała ŭ Paŭdniovuju Amieryku z Bałharyi, ratujučysia ad nacystaŭ. Pryčym samu Šejnbaŭm abvinavačvajuć u antyizrailskaj pazicyi.
Tak, 7 kastryčnika 2023 hoda, kali bajeviki CHAMAS uvarvalisia ŭ Izrail i zabili 1200 mirnych žycharoŭ, Šejnbaŭm nijak nie prakamientavała hetuju situacyju i praciahnuła vieści svaju kampaniju. Paźniej jana ŭsio ž asudziła CHAMAS, ale dadała, što adkaznaść za hibiel mirnych žycharoŭ u siektary Haza lažyć taksama na Izraili.