U Klecku ledź nie zhvałtavali 12-hadovuju školnicu
U milicyju źviarnułasia žycharka Klecka i raskazała, što jaje 12-hadovuju dačku sprabavaŭ zhvałtavać nieviadomy.
03.10.2024 / 10:25
Dziaŭčynka hulała ŭ dvary, kali da jaje padyšoŭ mužčyna. Niepaŭnaletniaj heta nie spadabałasia, i jana ŭciakła dadomu. Fihurant pajšoŭ za joj, prakraŭsia ŭ kvateru praź niezačynienyja dźviery i pad pahrozaj naža ŭčyniŭ u dačynieńni da dziaŭčynki hvałtoŭnyja dziejańni sieksualnaha charaktaru. Zatym dziciaci ŭdałosia ŭciačy.
Milicyjanty pa haračych śladach zatrymali padazravanaha. Im akazaŭsia 41-hadovy miascovy žychar, paviedamlaje pres-słužba MUS.
Śledčyja raspačali kryminalnuju spravu. Złamyśniku pahražaje da 15 hadoŭ pazbaŭleńnia voli.