Самы вядомы мінскі загс пераехаў у іншае месца
Палац грамадзянскіх абрадаў Галоўнага ўпраўлення юстыцыі Мінгарвыканкама часова будзе працаваць па іншым адрасе.
02.10.2024 / 13:14
Загс на Камуністычнай, 8, часова будзе прымаць маладых у будынку гасцініцы «Вікторыя» па адрасе пр. Пераможцаў, 59а, піша Tochka.by.
«Нягледзячы на змену лакацыі, мы пастараліся забяспечыць камфорт для нашых гасцей. Урачыстая зала абсталявана ўсім неабходным, цырымоніі праходзяць на ранейшым высокім узроўні. Мы стараемся падтрымліваць атмасферу ўтульнасці і святочнасці», — патлумачыла Юлія Кочына.
Вонкава лакацыя ля Камсамольскага возера нічым не саступае папярэдняй — каля Парку Горкага. Тут прыгожая, маляўнічая тэрыторыя, што дадае рамантыкі цырымоніям.
«Не варта хвалявацца, што да нас цяжка трапіць. Мы адкрытыя для ўсіх. Можна прыйсці на кансультацыю або патэлефанаваць для ўдакладнення інфармацыі», — адзначыла кіраўнік загса.
Калі ўсё вернецца на свае месцы, пакуль невядома.