Litva denansavała pahadnieńnie ź Biełaruśsiu ab abaronie inviestycyj
Siejm Litvy denansavaŭ try mižnarodnyja pahadnieńni ab supracoŭnictvie z Rasijaj i Biełaruśsiu. U pryvatnaści, admieniena pahadnieńnie 1999 hoda pamiž Litvoj i Biełaruśsiu ab sadziejničańni i abaronie inviestycyj, a taksama anałahičnaje pahadnieńnie z Rasijaj i pahadnieńnie z Rasijaj ab praduchileńni dvajnoha padatkaabkładańnia.
01.10.2024 / 16:18
Budynak litoŭskaha Siejma. Fota: Hein/ullstein bild via Getty Images
Za kožny zakonaprajekt prahałasavali pa 90-96 členaŭ Siejma, adzin deputat byŭ «suprać», a niekalki ŭstrymalisia.
Pahadnieńni stvarali pravavuju asnovu dla sadziejničańnia ŭzajemnym inviestycyjam šlacham nadańnia harantyj, abarony ad eksprapryjacyi, a taksama ŭstaloŭvali nieabmiežavany pieravod inviestycyjnych srodkaŭ za miažu.
Na dumku MZS Litvy, denansacyja pahadnieńniaŭ ab sadziejničańni inviestycyjam nie paciahnie niehatyŭnych nastupstvaŭ dla krainy, a ich skasavańnie nabudzie moc praz 12 miesiacaŭ.
Raniej Litva denansavała pahadnieńnie ź Biełaruśsiu ab handlova-ekanamičnym supracoŭnictvie, a taksama pahadnieńnie ab asnoŭnych pryncypach pamiežnaha supracoŭnictva.
Wargaming ukłaŭsia ŭ kuplu 100 kvater u Litvie. I, imavierna, zarablaje na ich prodažy i arendzie
Litva nie źviazvaje zapusk mietearałahičnych zondaŭ ź Biełarusi sa špijanažam
Litva pieradała ŭ Mižnarodny sud u Haazie dakumienty pa złačynstvach režymu Łukašenki