Paźniak prapanavaŭ stvaryć anałah «Biełsata» — ukrainski telekanał ź viaščańniem na Biełaruś
«Heta była b ukrainskaja prapahanda na karyść ukrainskich nacyjanalnych intaresaŭ».
01.10.2024 / 14:54
Zianon Paźniak. Skryn videa: ApostropheTV / YouTube
Zianon Paźniak prapanavaŭ stvaryć ukrainski anałah «Biełsata».
«Rasijskaja prapahanda va Ukrainie pracuje dzień i noč. Jany stvarajuć takuju situacyju, što biełarusy — heta vorahi. (…) Heta taki naratyŭ, kab prymusić ludziej mieć niehatyŭnyja adnosiny da naroda. Narod tut nie pry čym. Jakraz naadvarot. [Biełaruski] narod — heta sajuźnik [dla ŭkraincaŭ]. I treba dapamahać jamu, kab jon razumieŭ. Dla hetaha treba infarmacyja», — patłumačyŭ Paźniak padčas intervju ŭkrainskamu niezaležnamu infarmacyjnamu telekanału «Apostraf TV».
U jakaści pazityŭnaha prykładu jon pryvioŭ «Biełsat»:
«Voś, skažam, u Polščy isnuje televizija «Biełsat». Jana pracuje na Biełaruś. Vydatna jaje słuchajuć ludzi. Jana robić svoj vynik. Finansavańnie adbyvajecca. Z boku Ukrainy ničoha padobnaha niama. A heta ŭkraincam patrebna, jak i nam».
Paźniak upeŭnieny, što taki kanał moh by pracavać jak pa-biełarusku, tak i pa-ŭkrainsku, bo biełarusy razumiejuć ukrainskuju movu.
«Heta była b ukrainskaja prapahanda na karyść ukrainskich nacyjanalnych intaresaŭ», —
padkreśliŭ Zianon Paźniak.
«Zrazumieła, niechta pavinien prajavić inicyjatyvu, uziacca. Bo na heta patrabujucca srodki. A stanovišča ciažkaje. Ale, na moj pohlad, usio ž taki było b zdorava, kali b pajaviłasia i ažyćciaviłasia takaja inicyjatyva. (…) Bo na Biełarusi, akramia rasijskaj prapahandy, ničoha niama».
Zianon Paźniak: Chto moža zamianić Łukašenku? Realna — nichto
Zianon Paźniak pajechaŭ havaryć pra biełaruskija spravy ŭ Kijeŭ