Mininfarm patłumačyŭ rašeńnie ab abmiežavańni dostupu da internet-resursu Okko
Siońnia stała viadoma, što ŭ Biełarusi zabłakavali rasijski anłajn-kinateatr Okko: Ministerstva infarmacyi pryniała takoje rašeńnie 30 vieraśnia. Ciapier Mininfarm vypuściŭ zajavu pra heta.
01.10.2024 / 14:04
Pavodle aficyjnaha pres-reliza, padstavaj dla błakavańnia stała raźmiaščeńnie na hetym resursie zabaronienaj infarmacyi, «nakiravanaj na prapahandu hvałtu i žorstkaści».
Pra što mienavita razmova, nieviadoma.
Okko uvachodzić u čaćviorku najbujniejšych rasijskich stryminhavych servisaŭ. Jon viadomy ŭ tym liku svaimi spartyŭnymi tranślacyjami mižnarodnych spabornictvaŭ.
U Biełarusi jon pracavaŭ lehalna — abanienty Biełtelekama mahli za dadatkovyja hrošy padklučyć dostup da Okko. Biełtelekam paviedamiŭ, što pakul nie budzie spahaniać z karystalnikaŭ płatu za pasłuhu.