Siłaviki zatrymali žychara Navapołacka, jaki napisaŭ u čat paviedamleńnie ab žadańni ŭstupić u šerahi USU
Videa z zatrymanym apublikavaŭ blizki da siłavikoŭ telehram-kanał.
01.10.2024 / 13:04
«Miedyjazona» znajšła zatrymanaha ŭ sacsietkach, tam jon padpisany jak Siaroža Maza. U jakaści rodnaha horada pakazany Navapołack.
Na kamieru zatrymany kaža, što ŭ adnym z ukrainskich telehram-čataŭ napisaŭ paviedamleńnie, što choča ŭstupić u šerahi USU. Chłopiec tłumačyć heta tym, što chacieŭ pravieryć reakcyju ŭkrainskaha boku.
Hetak ža aŭtary kanała pišuć, što ŭ zatrymanaha doma znajšli skrutak marychuany ŭ małym pamiery, jaki zatrymanamu pieradaŭ znajomy. U milicejskim videa pakazali, što znajomaha chłopca taksama zatrymali za zachoŭvańnie narkotykaŭ.
Pa jakim artykule zatrymany navapałačanin i dzie ciapier znachodzicca, nieviadoma.