У Беларусі заблакавалі расійскі анлайн-кінатэатр Okko
Міністэрства інфармацыі прыняла такое рашэнне 30 верасня.
01.10.2024 / 10:57
Міністэрства інфармацыі прыпыніла доступ да расійскага відэасэрвісу Okko на тэрыторыі Беларусі. Прычыны прыпынення доступу не называюцца.
Okko уваходзіць у чацвёрку найбуйнейшых расійскіх стрымінгавых сэрвісаў. Ён вядомы ў тым ліку сваімі спартыўнымі трансляцыямі міжнародных спаборніцтваў.
У Беларусі ён працаваў легальна — абаненты Белтэлекама маглі за дадатковыя грошы падключыць доступ да Okko.
Белтэлекам паведаміў, што пакуль не будзе спаганяць з карыстальнікаў плату за паслугу.