U letnich patopach u Minsku vinavata taksama budaŭnictva mietro
Staršynia Minharvykankama Uładzimir Kucharaŭ na sustrečy ŭ Minskim handlovym kaledžy patłumačyŭ, čamu hetym letam stalicu paśla zalevaŭ zataplivała macniej, čym zvyčajna.
01.10.2024 / 10:22
Zaleva 18 lipienia ŭ Minsku. Fota Onliner.by
Pa słovach Uładzimira Kucharava, hłabalnych padtapleńniaŭ u Minsku niama, «vada sychodzić na praciahu hadziny-paŭtary».
«Ale sioleta svaju rolu adyhrali dva faktary: rekordnaja kolkaść apadkaŭ i pieranos vialikaj kolkaści sietak i kamunikacyj, źviazany z budaŭnictvam mietro», — cytujuć jaho Minsk-naviny.
Hetym letam samaja mocnaja zaleva zdaryłasia ŭ stalicy 18 lipienia: doždž praciahvaŭsia kala hadziny, i za hety čas u niekatorych rajonach horada vypała da 90 mm apadkaŭ (amal miesiačnaja norma).