U troch rajonach Minska ŭžo možna pić vadu z-pad krana
Śpiecyjalisty sanitarna-epidemijałahičnaj słužby Minska sumiesna z supracoŭnikami «Minskvodakanała» praviali pravierku jakaści vady paśla avaryi na mahistralnym vodapravodzie, u vyniku jakoj žychary troch rajonaŭ — Zavodskaha, Leninskaha i Kastryčnickaha — na peŭny čas zastalisia biez vady.
30.09.2024 / 19:59
Niekalki dzion tamu ekśpierty nie rekamiendavali ŭ hetych rajonach vykarystoŭvać vadu z-pad krana dla hatavańnia ježy i pryniaćcia duša, ale paśla adboru probaŭ vady ŭ «abjektach sacyjalnaj infrastruktury» i ŭ žyłych damach śpiecyjalisty paćvierdzili, što vada adpaviadaje hihijeničnym normam.
«Pa stanie na 14:00 30 vieraśnia ŭsie adabranyja proby vady sa źniešniaj sietki vodazabieśpiačeńnia adpaviadajuć patrabavańniam hihijeničnych normaŭ pa daśledavanych pakazčykach biaśpieki, jak pa chimičnym składzie, tak i pa mikrabijałahičnaj biaśpiecy», — zapeŭnili ŭ Minskim haradskim centry hihijeny i epidemijałohii.
Nahadajem, što ŭviečary 26 vieraśnia ŭ Kastryčnickim, Zavodskim i Leninskim rajonach Minska naziralisia pieraboi ŭ vodazabieśpiačeńni. Adnaŭleńnie padačy vady ŭ damy pačałosia bližej da paŭnočy.
27 vieraśnia minskija sanitarnyja ŭračy dali rekamiendacyi žycharam troch paciarpiełych rajonaŭ vykarystoŭvać padvoznuju ci butelavanuju vadu. Mierapryjemstvy pa pramyŭcy sietak byli zavieršanyja naprykancy taho samaha dnia.
U Minsku skončyli pramyvańnie sietak paśla avaryi na vodapravodzie
Paškodžany vadavod u Minsku adramantavali. Ale prablemy ź jakaściu vady pakul zastajucca
U troch rajonach Minska źnikła vada
Paśla avaryi na vadavodzie ŭ Minsku pahoršała jakaść vady