Pad Połackam mužčyna łaviŭ rybu, a złaviŭ čarapachu
Na rybałcy ŭ niadzielu połačanin Alaksandr Ščarbakoŭ niečakana zamiest čakanaha lašča złaviŭ na fidar čarapachu, pryčym davoli bujnuju. Vyciahnuć padobnuju «rybinu» akazałasia zusim nie prosta, piša Fishingby.com.
30.09.2024 / 18:02
Fota: Alaksandr Ščarbakoŭ
«Zachodniaja Dźvina. Takoha ja jašče nie łaviŭ. Uziała na fidar, na dva aparyšy. Nie słaba ździviŭsia, kali vyciahnuŭ hety cud na bierah», — raskazaŭ Alaksandr.
Pojmanaja rybałovam istota akazałasia čyrvanavuchaj čarapachaj — zusim nietypovym dla biełaruskich vadajomaŭ pradstaŭnikom kłasa paŭzunoŭ, radzimaj jakoha źjaŭlajecca Paŭnočnaja Amieryka. Raniej hety vid čarapach u Biełarusi karystaŭsia papularnaściu ŭ amataraŭ tieraryumaŭ, ale z-za ich praniknieńnia ŭ biełaruskuju pryrodu jaho pryznali invaziŭnym.
Fota: Alaksandr Ščarbakoŭ
Ciaham letniaha siezona 2024 hoda čyrvanavuchich čarapach nieadnarazova łavili ŭ Bresckaj i Minskaj abłaściach, ale na Dźvinie, jak śćviardžajecca, heta adznačajecca ŭpieršyniu.
Na voziery ŭ Homieli znajšli vostraŭ čarapach VIDEA