Źmitra Daškieviča asudzili jašče na 1 hod i 3 miesiacy źniavoleńnia
Pra čarhovy prysud viadomamu aktyvistu Źmitru Daškieviču stała viadoma ad siabroŭ siamji. Jamu dadali 1 hod i 3 miesiacy kałonii strohaha režymu.
30.09.2024 / 17:58
Źmitru hetym razam inkryminavali «narodny» art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak), a taksama č. 1 art. 411 KK (złosnaje niepadparadkavańnie patrabavańniam administracyi kałonii).
Nahadajem, aktyvista razam z žonkaj Nastaj abvinavacili va ŭdziele ŭ akcyi pratestu 23 žniŭnia 2020 hoda. 14 lipienia 2022 hoda Źmitru pryznačyli 1,5 hoda kałonii, a Naście — 3 hady «chatniaj chimii».
Aktyvist musiŭ vyjści na volu z papraŭčaj kałonii № 14 pa zakančeńni terminu 11 lipienia 2023 hoda. Ale adrazu pa vychadzie jaho zatrymali ŭ miežach novaj kryminalnaj spravy pa art. 411 KK. Sudździa Taćciana Dzieravianka pryznačyła palitviaźniu jašče adzin hod kałonii va ŭmovach strohaha režymu. U hetym traŭni suprać jaho raspačali novuju kryminalnuju spravu.
Na nastupnym tydni pačnuć sudzić Źmitra Daškieviča
Łukša raskazaŭ pra svoj udzieł u prapahandysckim filmie «Małady front. Kidnepinh»
Za dva miesiacy da skančeńnia terminu na Źmitra Daškieviča znoŭ zaviali kryminalnuju spravu