U Biełaruś dastavili pieršy hruz Paŭnočnym marskim šlacham
U transpartna-łahistyčny centr «Mahiloŭ-Biełmytniaservis» prybyŭ pieršy hruz pa maršrucie Paŭnočnaha marskoha transpartnaha kalidora, piša BiełTA.
30.09.2024 / 15:37
Fota: BiełTA
Nievialikaja partyja tavaraŭ dla biełaruskich kampanij była adhružanaja ŭ porcie Šanchaja ŭ žniŭni. Marski kantejnieravoz prajšoŭ praz Čukockaje mora i prybyŭ u port Sankt-Pieciarburha, a adtul aŭtamabilnym transpartam — u Mahiloŭ.
U darozie hruz pravioŭ 35 dzion.
Paviedamlajecca, što ŭ vyniku čas dastaŭki tavaraŭ z Kitaja ŭ Biełaruś i nazad skaraciŭsia amal na 40% u paraŭnańni sa zvykłym paŭdniovym maršrutam.