La ścien Lidskaha zamka ŭzvodziać restaran biełaruskaj kuchni
U kancy lipienia ŭ horadzie pačałosia budaŭnictva novaha restarana. Jaho hałoŭnaja asablivaść — raźmiaščeńnie.
30.09.2024 / 13:30
Novy haradski abjekt hramadskaha charčavańnia, u mieniu jakoha budzie zrobleny ŭpor na biełaruskuju kuchniu, uzvodziać prosta pad ścienami pomnika abaronnaj architektury, adniesienaha Minkultam da katehoryi historyka-kulturnych kaštoŭnaściaŭ mižnarodnaha značeńnia — Lidskaha zamka, paviedamlaje s13.ru.
Tolki za minuły hod zamak naviedali bolš za 103 tysiačy čałaviek. Zaraz u Lidzie aktyŭna realizujuć ideju stvareńnia piešachodnaj vulicy, napoŭnienaj łakacyjami, pryvabnymi jak dla turystaŭ, tak i dla adpačynku lidčan. Na vulicy Zamkavaj, raźmieščanaj pobač z hałoŭnym historyka-kulturnym abjektam rehijona, pakłali brukavanku.