Za «sadziejničańnie ekstremisckaj dziejnaści» žančynie pahražaje prymusovaje lačeńnie ŭ psichijatryčnym stacyjanary
Buduć sudzić Natallu Manyłu.
30.09.2024 / 13:21
U Minskim hardaskim sudzie 14 kastryčnika raspačniecca čarhovy sud za «sadziejničańnie ekstremisckaj dziejnaści (č. 1 art. 361-4 KK). U Biełarusi fihurantami hetaha artykuła stali ŭžo bolš za 200 čałaviek, piša «Viasna».
Ciapier pa im buduć sudzić Natallu Manyłu, ale jak «asobu, jakaja ździejśniła hramadska niebiaśpiečnaje dziejańnie, praduhledžanaje kryminalnym zakonam, u stanie biesśviadomaści abo jakaja zachvareła paśla ździajśnieńnia złačynstva na psichičny razład (zachvorvańnie)». Spravu ŭ zakrytym režymie budzie razhladać Alaksandr Rudenka.
Ahułam z 2020 hoda pa palityčnych spravach 19 asobam pryznačyli prymusovaje lačeńnie ŭ psichijatryčnym stacyjanary. Samaja viadomaja ź ich sprava — Maryi Uśpienskaj, žonki zabitaha kdbšnikam try hady tamu Andreja Zielcera.