Prezidenta Polščy buduć sudzić «za abrazu hramadzian ułasnaj dziaržavy»
Akruhovy sud u Varšavie pryznačyŭ datu pieršaha pasiadžeńnia na 24 kastryčnika 2025 hoda na 10.00, heta značyć paśla prezidenckich vybaraŭ.
30.09.2024 / 11:56
Jak patłumačyŭ Centr manitorynhu rasisckich i ksienafobskich pavodzinaŭ, jaki źjaŭlajecca aŭtaram pazovu, razmova idzie pra słovy Andžeja Dudy, u jakich jon nazvaŭ palakaŭ śvińniami, paviedamlaje Polskaje radyjo.
Letaś u efiry TVP Info prezident, aceńvajučy film Ahnieški Chołand «Zialonaja miaža», skazaŭ, što jaho nie ździviła, kali aficery pamiežnaj słužby, jakija pahladzieli film, vykarystali vyraz «u kinateatry siadziać tolki śvińni», viadomy z časoŭ akupacyi, kali ŭ kinateatrach demanstravalisia nacysckija prapahandysckija filmy.
Spravu buduć razhladać dystancyjna.