Va USU zajavili ab atacy jašče na adzin rasijski vajskovy arsienał
Jak śćviardžaje Hienštab Uzbrojenych sił Ukrainy, pierad udaram tudy prybyŭ ešałon ź iranskimi rakietami.
29.09.2024 / 16:33
Stała viadomaja cel načnych udaraŭ bieśpiłotnikami pa terytoryi Rasii. Hienieralny štab USU zajaviŭ pra paražeńnie vajskovaha arsienała «Katłubań» u Vałhahradskaj vobłaści.
Abjekt, jak paviedamlajuć va USU, mieŭ ščylnaje prykryćcio pryładami radyjoelektronnaj baraćby i supraćpavietranaj abarony, ale bajavoje zadańnie było vykananaje paśpiachova.
Apieracyju praviali Siły bieśpiłotnych sistem razam ź Siłami śpiecyjalnych apieracyj, Hałoŭnym upraŭleńniem raźviedki i Słužbaj biaśpieki Ukrainy.
Nahadajem, što siońnia nočču rasijskija rehijon trapili pad masiravanuju ataku bieśpiłotnikaŭ. U Minabarony RF zajavili pra źbićcio 125 BPŁA. Ab prylotach u Katłubani aficyjnaj infarmacyi nie było. Hubiernatar Vałhahradskaj vobłaści zajaŭlaŭ pra ŭzharańnie suchoj travy i adsutnaść paciarpiełych i paškodžańniaŭ.