Pavietrany šar ź biełaruskaj kantrabandaj pryziamliŭsia na terytoryi vilenskaha aeraporta
Takija srodki ŭsio čaściej vykarystoŭvajuć dla transparciroŭki nielehalnych hruzaŭ.
29.09.2024 / 15:49
Ilustracyjnaja vyjava. Fota: LRT.
U subotu, 28 vieraśnia, kala 23:45 na terytoryi aeraporta ŭ Vilni ŭpaŭ nievialiki pavietrany šar z hruzam. Unutry karobki, abciahnutaj čornaj stužkaj, byli pački cyharet «Minsk», piša LRT.
Heta pieršy padobny incydent ŭ vilenskim aeraporcie, adnak jon nie paŭpłyvaŭ na raskład palotaŭ.
Miesca padzieńnia šara. Skrynšot LRT.
Pa infarmacyi člena Siejma Litvy Dajniusa Hajžaŭskasa, voś užo hod, jak ź Biełarusi ŭ Litvu pavietranymi šarami aktyŭna pieradajuć kantrabandu. Adzin taki šar moža pieranieści da 20 kh hruzu — a heta kala 1000 pačkaŭ cyharet.
Jak śćviardžaje Hajžaŭskas, tolki na hetym tydni na terytoryju Litvy zalacieli kala 150 mietearałahičnych šaroŭ.