Rasijanie atakavali Zaparožža — trapili ŭ šmatpaviarchovik, jość paranienyja
Rankam 29 vieraśnia kiraŭnik Zaparožskaj AVA Ivan Fiodaraŭ paviedamiŭ pra masiravanuju ataku rasijan na Zaparožža, u vyniku jakoj razburany šmatkvaterny dom, uspychnuli pažary, najmienš 4 čałavieki paranienyja.
29.09.2024 / 08:26
«Rasijanie masiravana atakujuć Zaparožža. Pacelili pa žyłoj zabudovie», — napisaŭ Fiodaraŭ.
Pavodle jaho infarmacyi, u horadzie adbyłosia niekalki pažaraŭ, mocna razburany šmatkvaterny dom, pad zavałami mohuć być ludzi, taksama paciarpieli pryvatnaja zabudova ŭ roznych rajonach horada, najmienš 4 čałavieki paranienyja.
Fiodaraŭ dadaŭ, što rasijanie nanieśli bolš za 10 udaraŭ pa Zaparožžy.