Zialenski: Tramp daŭ pramuju infarmacyju, što budzie na našym baku
Amierykanski telekanał Fox News pakazaŭ intervju z prezidentam Ukrainy Uładzimiram Zialenskim, u jakim toj kaža, što Donald Tramp padčas asabistaj sustrečy palitykaŭ u piatnicu daŭ jamu «vielmi pramuju infarmacyju, što jon budzie na našym baku», pieradaje Reuters.
28.09.2024 / 21:49
Uładzimir Zialenski i Donald Tramp padčas apošniaj sustrečy. Fota: Alex Kent/Getty Images
Apytańni hramadskaj dumki śviedčać, što razryŭ pamiž Trampam i Kamałaj Charys ciapier zastajecca ŭ miežach statystyčnaj pamyłki, tamu prahnazavać pieramožcu vybaraŭ 5 listapada niemahčyma.
«Ja nie viedaju, što budzie paśla vybaraŭ i chto budzie prezidentam… Ale ja atrymaŭ ad Donalda Trampa vielmi pramuju infarmacyju, što jon budzie na našym baku, što jon budzie padtrymlivać Ukrainu», — skazaŭ Zialenski ŭ efiry Fox News.
Fox News — kansiervatyŭny telekanał, jaki simpatyzuje Respublikanskaj partyi.
Sam Tramp paśla sustrečy ź Zialenskim publična skazaŭ tolki toje, što ŭ vypadku pieramohi na vybarach jon damožacca «spraviadlivaj ździełki dla ŭsich». Da hetaha jon uchilaŭsia ad adkazaŭ na pytańni pra toje, ci žadaje jon pieramohi Ukrainie, i vykazvaŭ sumnievy ŭ nieabchodnaści jaje padtrymlivać.
Zialenski i Tramp sustrelisia ŭ Ńju-Jorku 27 vieraśnia. Sustreča doŭžyłasia prykładna hadzinu.
U Biełym domie paabiacali, što Rasija nie pieramoža Ukrainu
Tramp: ZŠA pavinny vyjści z vajny va Ukrainie