Minskaha biznesmiena, jaki zajmaŭsia miedycynskim abstalavańniem, sudziać pa troch artykułach za danaty
Siarhiej Junčyc zajmaŭsia pastaŭkami tavaraŭ dla stamatałohii. Ciapier jamu pahražaje da vaśmi hadoŭ kałonii.
29.09.2024 / 07:00
Siarhiej Junčyc. Fota z fejsbuka
Siarhieju Junčycu 50 hadoŭ. Jon naradziŭsia ŭ nievialikaj vioscy Padvoście Žytkavickaha rajona.
Mužčyna z 90-ch zajmaŭsia biznesam. Najbujniejšaja firma, jakuju jon uznačalvaje, — «Junika-dent», jakaja pastaŭlaje miedycynskaje abstalavańnie i inšy ryštunak dla stamatałohii. Jon maje i IP pa hetym ža profili.
Pra datu jaho zatrymańnia ničoha nieviadoma, jak i pra sutnaść abvinavačańniaŭ.
Siarhieja pačynajuć sudzić 2 kastryčnika 2024 hoda ŭ Minskim abłasnym sudzie. Jamu zakidać try artykuły: «finansavańnie ekstremisckaj dziejnaści» (č. 1 i č. 2 art. 361-2 KK), «sadziejničańnie ektremisckaj dziejnaści» (č. 1 i č. 2 art. 361-4 KK) i «finansavańnie ekstremisckaha farmiravańnia» (art. 361-2, straciŭ siłu ŭ mai 2021 hoda). Jamu pahražaje da vaśmi hadoŭ kałonii.
Vieści praces budzie Alena Kurhanava. Z 2023 hoda jana asudziła pa palityčnych kryminalnych spravach nie mienš za 13 čałaviek.
55-hadovamu biznesmienu Jahoru Vołkavu prysudzili try hady kałonii za danaty i ŭdzieł u pratestach