Ali Chamieniei pieraviali ŭ biaśpiečnaje miesca
Duchoŭnaha lidara Irana pieraviali ŭ biaśpiečnaje miesca na fonie infarmacyi ab likvidacyi Izrailem lidara «Chiezbały» Chasana Nasrały.
28.09.2024 / 12:26
Viarchoŭny lidar ajatała Ali Chamieniei vystupaje padčas cyrymonii, pryśviečanaj hadavinie śmierci lidara revalucyi 1979 hoda ajatały Chamiejni (na płakacie ŭviersie sprava) u jaho maŭzalei niedaloka ad Tehierana. Fota: Office of the Iranian Supreme Leader via AP
Chamieniei taksama sklikaŭ naradu Rady nacyjanalnaj biaśpieki Irana, na jakoj abmiarkoŭvalisia mahčymyja nastupstvy i dalejšyja dziejańni.
CACHAŁ učora nanios udar pa Biejrucie, u vyniku čaho zahinuŭ Chasan Nasrała.
«Izrail budzie naścihać luboha, chto ŭjaŭlaje pahrozu dla krainy ci jaje hramadzian». Pra heta zajaviŭ načalnik Hienštaba Armii abarony Izraila (CACHAŁ) hienierał-lejtenant Hiercy Chalevi, paviedamlaje The Times of Israel.
«Pasłańnie prostaje: my daviedajemsia, jak dabracca da luboha, chto pahražaje hramadzianam dziaržavy Izrail», — skazaŭ jon.