Prezident Sierbii praročyć Ukrainie karejski scenaryj
Prezident Sierbii Alaksandr Vučyč zajaviŭ, što kanflikt va Ukrainie praciahniecca jašče 10 hadoŭ i zavieršycca pa karejskim scenaryi — heta značyć, što jon budzie «zamarožany» pa ciapierašniaj linii bajavoha sutyknieńnia biez kančatkovaha mirnaha pahadnieńnia pamiž bakami.
27.09.2024 / 20:24
Alaksandr Vučyč (źleva) z prezidentam Rasii Uładzimiram Pucinym. Fota: Mikhail Klimentyev, Sputnik, Kremlin Pool Photo via AP
Jak praročyć Alaksandr Vučyč: «Urešcie nastanie mir i budzie realizavany karejski scenar». Adnak pierad tym, jak heta adbudziecca, budzie iści žorstkaja baraćba «za kožnaje siało», upeŭnieny jon.
Vučyč ličyć, što situacyja va Ukrainie nie budzie mieć vyrašeńnia «na praciahu 10, 20 abo 30 hadoŭ». Jon adznačyŭ, što ŭ hetym pytańni Złučanyja Štaty buduć «uparta zmahacca suprać Rasii», ale i Rasija budzie abaraniać svaje intaresy.
«Niedarečna niedaaceńvać rasijskuju armiju, tak jak raniej niedaaceńvali rasijskuju ekanomiku, jakaja nie adčuła nastupstvaŭ», — zajaviŭ Vučyč.
Prezident Sierbii admoviŭsia jechać na samit BRIKS pa zaprašeńni Pucina
Cichanoŭskaja sustrełasia z prezidentam Sierbii Vučyčam