Sotni luksavych aŭto stajać u čarzie na mytni pad Minskam
U punkcie mytnaha afarmleńnia na 17-m kiłamietry aŭtatrasy R-1 Minsk-Dziaržynsk znachodziacca dziasiatki aŭtovozaŭ. Lehkavyja aŭtamabili, uklučajučy novyja madeli Mercedes-Benz, Lamborghini, Porsche, Lexus, BMW, Aston Martin i Bentley, a taksama redkija ekzemplary, takija jak Rolls-Royce Silver Shadow, pastupili na mytniu ź Jeŭropy i ZŠA, piša rasijskaje vydańnie Sputnik.
27.09.2024 / 19:10
Fota: Sputnik
Hałoŭnymi klijentami źjaŭlajucca biełarusy i rasijanie, jakija sprabujuć paśpieć z afarmleńniem aŭtamabilaŭ pierad pavyšeńniem utylizacyjnaha zboru. Z 1 kastryčnika płata za «ŭtyl» u Rasii dla zamiežnych aŭto ŭzraście na 70-85%, što moža dadać niekalki tysiač dołaraŭ. U vyniku mnohija, u tym liku biełarusy, imknucca dastavić aŭto z-za miažy, kab pradać ich u Rasii.
Fota: Sputnik
Adzin z rasijskich pieravozčykaŭ adznačyŭ, što ludzi źbirajucca z mašynami na mytni nie tolki z-za pavyšeńnia ŭtylizacyjnaha zboru, ale i z-za taho, što Litva zakryła miažu. Jon raskazaŭ, što ciapier aŭtamabili dastaŭlajuć praź inšyja krainy, takija jak Hruzija, Niderłandy, Turcyja i Rasija. Łahistyka stała daražejšaj: dastaŭka aŭto z Amieryki ciapier kaštuje ad čatyroch tysiač dołaraŭ.
Čakajecca, što čerhi na mytni buduć zastavacca i nadalej, pakolki mnohija aŭto prybyvajuć adnačasova z-za źmienaŭ u maršrutach dastaŭki.
U Hiermanii try čałavieki atrymali realnyja terminy za ekspart luksovych aŭto praź Biełaruś u Rasiju
U Niderłandach adrodziać stvorany biełarusam aŭtamabilny brend
Biełdziaržstrach bolš nie budzie strachavać luksavyja aŭtamabili