«Раз — і заходзіш чыстым». Мінчукі паказалі самаробную прыладу, якая дапамагае пазбавіцца ад бруду перад уваходам у пад'езд
У тыктоку апублікавалі відэа, дзе паказалі самаробную прыладу, здольную пачысціць абутак перад уваходам. Па сутнасці, гэта тры звычайныя шчоткі, прымацаваныя да сцяны ля пад'езда, заўважыў Telegraf.news.
27.09.2024 / 17:44
Скрыншот з відэа
«Усё прадумана каля пад'езда. Раз — падышоў, пачысціў ногі, і парадак, заходзіш чыстым, акуратным. Вось так усё прыгожа ў Беларусі», — адзначыў аўтар відэа.
Каментатары пад відэа таксама выказалі свае думкі:
-
«Трэба і ў нашым пад'ездзе такое зрабіць», — напісаў адзін з карыстальнікаў.
-
«Уявіце, калі хто ў какашку ўступіў, што будзе з наступнымі?» — пажартаваў іншы.
-
«Першы пачысціць, а наступныя будуць збіраць бруд ад першага», — заўважыў трэці.
Аўтар відэа адказаў, што «не бруд чысцяць, а пясок».
Адна з карыстальніц тыктока расказала, што ў яе каля пад'езда такая шчотка стаіць ужо тры гады: «Зімой вельмі добра чысціць абутак ад снегу», — падзялілася яна.
Іншы каментатар адзначыў: «Ніколі не бачыў такога ў Беларусі, а мне ўжо восьмы дзясятак».
Многія карыстальнікі, аднак, звярнулі ўвагу, што гэтая прылада можа быць неэфектыўнай для барацьбы з вадкім брудам.
Эксперт па нерухомасці палічыла, колькі трэба «не есці і не піць», каб купіць аднапакаёўку ў Мінску
У Мінску прыгатавалі бясплатнае 30-метровае бурыта