«15 chvilin nieści ch**niu z razumnym vyhladam». Jak u škłoŭskaj kałonii zdymali film pra palitviaźniaŭ z udziełam Łukšy
Były televiadučy i palitźniavoleny Dźmitryj Łukša ŭ druhoj častcy TOKu raskazaŭ padrabiaznaści zdymkaŭ prapahandysckaha filma.
30.09.2024 / 20:02
Prapahandystka BT i palitviazień Dźmitryj Łukša ŭ budynku pieršaha atrada škłoŭskaj kałonii. Ckryn videa BT
Prapahandyscki film pra papraŭčuju kałoniju №17 u Škłovie vyjšaŭ na BT u lipieni 2023 hoda. Ekskursiju pa ŭstanovie pravioŭ Dźmitryj Łukša.
«Mianie paklikali ŭ štab. Kali ty zachodziš i tam siadzić kiraŭnictva kałonii, vielmi surjoznyja ludzi, i kali tabie havorycca: «Jość prapanova viarnucca tabie da byłoj prafiesii», — ty razumieješ, što heta takaja prapanova, na jakuju lepš nie havaryć «nie», bo ŭsiakaje moža być», — zhadvaje Łukša.
Pa jaho słovach, nichto jamu nie havaryŭ, što kazać. Nie było i nijakaj padrychtoŭki: «Ja vyjšaŭ. Staić žurnalistka, zdymačnaja hrupa. Mnie było skazana: «Treba raskazać, jak ty žyvieš». Ja vychodžu, jana zadaje pytańni. Ja razumieju, što jana choča ad mianie pačuć. Ja imknusia niejak syści ad hetych pytańniaŭ. A tak ničoha nie było. My chadzili. Ja raskazvaŭ. Kankretnaha takoha listka nie było».
Pa słovach Łukšy, žurnalistka niekalki razoŭ padčas intervju sprabavała daviedacca, ci ličyć jon siabie palitźniavolenym. Na što jon adkazvaŭ, što jon — źniavoleny:
«Jana try ci čatyry razy ŭ mianie spytała. Ja dumaju: «Ja razumieju, što ty chočaš, ale nie budu papadacca na hetuju fihniu». Ja paŭtaraŭ, što ja zvyčajny źniavoleny, jaki adbyvaje pakarańnie».
Łukša zapeŭnivaje: toje, što jon raskazvaŭ pra pobyt u kałonii ŭ tym atradzie, dzie jon znachodziŭsia, na momant zapisu intervju takim i było nasamreč:
«Heta nie było prycharošana. Voś heta było naša faje, voś pakazvajuć, dzie my hladzim filmy. My realna tam hladzim filmy. (…) Ja raskazvaŭ, što chadžu hulać u futboł. (…) Praź miesiac mnie zabaraniajuć naroŭni ź inšymi palityčnymi.. (…) Kazaŭ, što atrymlivaju listy svabodna, ad siabroŭ. Ja ich atrymlivaŭ. Paśla ja pačaŭ atrymlivać listy tolki ad rodnych».
Łukša zaŭvažaje, što viedaŭ adnaho z členaŭ zdymačnaj hrupy, i zhadvaje adzin momant sa zdymkaŭ siužetu.
«Pryšli ŭ spalnaje pamiaškańnie. Stanovimsia. Nas zdymała dźvie kamiery — režysior i apieratar. Viadučaja chacieła stać, kab byŭ vidać moj łožak. Nie mahli vyznačycca, ź jakich rakursaŭ zdymać. Režysior biehaje. (…) Mnie ŭvohule nie padabajecca ŭvieś hety praces. Ja kažu: «Saša, stań voś tudy pamiž narami, i ŭ ciabie budzie ahulny płan, a ty stań u mianie za śpinaj i budzieš bačyć karespandentku. Supracoŭniki, jakija stajali, skazali: «Ničoha sabie, Łukša, ty svoj vopyt nie zhubiŭ».
Mužčyna zhadvaje, što jaho znajomy sprabavaŭ ź im žartavać: «Oj, Dzimka, kolki my z taboj zon abjeździli, kali pracavali ŭ «Zonie Ch». Nu jak tabie tut?» Ja adkazvaju: «Cudoŭnaje miesca!».
Łukša, zhadvaje: «Kali jany źjazdžali, to režysior pytajecca: «Moža, što «Zonie Ch» pieradać?» Ja kažu: «Skažy, kab [viadučaja] Karyna Paškova źmianiła pryčosku. Joj jana nie pasuje». I litaralna praz dva tydni my hladzim efir — i ŭ jaje realna inšaja pryčoska. I maje chłopcy kažuć: «Ničoha sabie, Dzimon, ty pavyrašaŭ pytańni!»
Łukša raskazaŭ, što razam ź inšymi źniavolenymi hladzieŭ źniaty siužet:
«Zdajecca, my svajoj bryhadaj hladzieli. (…) Pasiadzieli, pahladzieli, paśmiajalisia. (…) Mnohija kazali: «Nu ty prafiesijanał. (…) 15 chvilin z takim razumnym vyhladam nieści niejkuju ch**niu. Heta treba ŭmudrycca. A kali ŭ ciabie kankretna niešta pytajucca, ty tak piatlaješ. Zdajecca, što ty pa sutnaści havoryš. Ale kali ŭdumacca, to ničoha nie skazaŭ».
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
«Tur — jakasnaja prapahanda. A Azaronak… Moj susied mienš paskudnych słoŭ kaža»
Łukša raskazaŭ pra svoj udzieł u prapahandysckim filmie «Małady front. Kidnepinh»
Były viadučy «Zony Ch» raskazaŭ pra svoj samy vialiki zarobak: $6000 za miesiac