Biełaruskija arhanizacyi stali strašyć fejkavymi pravierkami ad Miniusta
U dziaržaŭnyja struktury i pryvatnyja kampanii Biełarusi pačali pastupać «rasparadžeńni ab pazapłanavych pravierkach» ad imia Ministerstva justycyi. Samo ministerstva ad ich adchryściłasia.
27.09.2024 / 16:30
Budynak Ministerstva justycyi ŭ Minsku. Fota ilustracyjnaje
Pavodle infarmacyi, vydadzienaj viedamstvam 27 vieraśnia, niekatoryja dziaržaŭnyja i kamiercyjnyja arhanizacyi atrymali «rasparadžeńni ab praviadzieńni pazapłanavaj dakumientarnaj pravierki jurydyčnaj asoby». Adnak Ministerstva justycyi zajaviła, što hetyja dakumienty — falšyŭka.
U aficyjnym kamientary Miniusta padkreślena, što takija dakumienty «źjaŭlajucca fejkami i nie majuć nijakaha dačynieńnia da Ministerstva justycyi Respubliki Biełaruś».
Falšyvyja rasparadžeńni rassyłalisia praz elektronnyja srodki suviazi, u tym liku praź miesiendžar Telegram. Ad imia adnaho z namieśnikaŭ ministra justycyi, z padroblenaha akaŭnta navat viałasia pierapiska z pradstaŭnikami arhanizacyj z prośbami ab sadziejničańni praviarajučym asobam.
Ministerstva adznačyła, što fejkavyja dakumienty byli stvoranyja na «błankach nieŭstanoŭlenaha ŭzoru», a ich piačatki i podpisy nie adpaviadajuć sapraŭdnym.
Staršynia CVK nazvaŭ try pryčyny, čamu nie choča stavić videakamiery na ŭčastkach
Resursy Minabarony RB raspaŭsiudzili novy brudny fejk pra Ukrainu
Raźlacieŭsia fejk, byccam Tejłar Śvift straciła 17 miljonaŭ padpisčykaŭ, bo nie padtrymała Trampa