U Hiermanii try čałavieki atrymali realnyja terminy za ekspart luksovych aŭto praź Biełaruś u Rasiju
Mužčyny zarabili amal 30 młn jeŭra.
27.09.2024 / 15:03
Troje mužčyn u Frankfurcie-na-Odery prysudžanyja da turemnaha źniavoleńnia za ekspart sotniaŭ luksavych aŭtamabilaŭ u Rasieju praź Biełaruś. Sud pryznaŭ ich vinavatymi ŭ 430 parušeńniach Zakona ab źniešnim handli, piša DW.
Niahledziačy na zabaronu ekspartu mašyn u Rasiju praz sankcyi, abvinavačanyja pradavali aŭtamabili ŭ aŭtasałonie ŭ Dalvic-Chopiehartenie z sakavika 2022 hoda da sakavika 2024 hoda. Mytnikam jany paviedamili, što mašyny adpraŭlajucca ŭ Biełaruś.
Dvoje z abvinavačanych prysudžanyja da šaści hadoŭ pazbaŭleńnia voli, treci — da čatyroch hadoŭ pazbaŭleńnia voli. Prybytak ad zabaronienych ździełak na sumu amal 30 miljonaŭ jeŭra padlahaje kanfiskacyi.