Łukašenka skazaŭ, što praciahnie padpisvać ukazy ab pamiłavańni
Alaksandr Łukašenka maje namier praciahnuć praktyku vyzvaleńnia palitviaźniaŭ. Pra heta jon zajaviŭ na sustrečy sa studentami ŭ BDUIR.
27.09.2024 / 13:20
Fota: pres-słužba prezidenta Kazachstana
U jaho spytali, ci budzie jon praciahvać praktyku pamiłavańnia i ci vieryć u «raskajańnie» pamiłavanych.
«Tak, praciahvać ja budu. Bo heta maja praca, heta kanstytucyjny abaviazak prezidenta — pamiłavać čałavieka. Tamu treba vykonvać svaje abaviazki. Tamu my budziem praciahvać. Što tyčycca pieršaha pytańnia, ja spadziajusia. Viadoma, siarod ich buduć tyja, jakija abiacali, klalisia, što źmieniać svaju pazicyju, nie buduć pieraškadžać inšym ludziam… byvaje, što jany parušajuć svaje abaviazacielstvy», — adkazaŭ jon.
U lipieni — vieraśni Łukašenka padpisaŭ try ŭkazy ab pamiłavańni, vyjšli na svabodu ŭ vyniku 115 čałaviek.