Viadoŭcy viasiellaŭ musiać paśpiašacca ŭ padatkovuju, kab nie zastacca biez pracy. Važnyja źmieny dla samazaniatych i IP z 1 kastryčnika
Z 1 kastryčnika nielha budzie adkryć IP pa šerahu vidaŭ dziejnaści, a niekatorym samazaniatym nielha budzie pracavać biez rehistracyi indyvidualnym pradprymalnikam.
27.09.2024 / 09:17
Ilustracyjny zdymak. Fota: «Naša Niva»
Pačynajučy z nastupnaha miesiaca, samazaniatyja hramadzianie, jakija viaduć śviaty i karparatyvy, bolš nie zmohuć praciahvać svaju dziejnaść biez rehistracyi ŭ jakaści IP ci jurasoby. Toje samaje tyčycca muzykaŭ, akcioraŭ i tancoraŭ, jakija vystupajuć indyvidualna.
Adkryć IP pa vyšej zhadanych vidach dziejnaści možna tolki da 1 kastryčnika 2024 hoda. Pry hetym, pracavać u jakaści IP jany zmohuć tolki da kanca 2025 hoda. Kab pracavać dalej (pačynajučy z 1.01.2026), treba budzie zarehistravać jurydyčnuju asobu.
Z novaha pieraliku vidaŭ dziejnaści dla IP, jaki budzie dziejničać z 1 kastryčnika, vyklučanyja:
- 9001 — dziejnaść u śfiery vykanalnickich mastactvaŭ;
- 9002 — dziejnaść, jakaja spryjaje praviadzieńniu kulturna-vidoviščnych mierapryjemstvaŭ.
Tyja IP, čyje vidy dziejnaści nie trapili ŭ abnoŭleny śpis, zmohuć praciahvać pracavać jak IP tolki da 31.12.2025. Dla praciahu dziejnaści im treba budzie transfarmavacca ŭ jurydyčnuju asobu.
Pavodle acenak padatkovaha viedamstva, bolš za 90 pracentaŭ IP trapili ŭ abnoŭleny pieralik pa vidach dziejnaści.
Pa stanie na 1 studzienia 2024 hoda ŭ Biełarusi naličvałasia 252 tysiačy indyvidualnych pradprymalnikaŭ. Atrymlivajecca, što źmieny zakranuć kala 25 tysiač IP pa ŭsioj krainie.
Ramieśnikaŭ abaviažuć płacić unioski ŭ FSAN. Suma nie maleńkaja
Jak adroźnivajucca ŭmovy pracy dla IP u Biełarusi i Litvie?
«Chočuć prymusić ludziej pracavać za kapiejki». Dalnabojščyki — pra namiery pazbavić ich biaspłatnych miedycynskich pasłuh