U Minsku pačali sudzić čarhovuju palitźniavolenuju za prajavu salidarnaści
U Minskim haradskim sudzie 26 vieraśnia pačaŭsia razhlad kryminalnaj spravy suprać Volhi Łocmanavaj.
26.09.2024 / 10:16
Jaje sudziać pavodle č. 1 i 2 art. 361-4 (sadziejničańnie ekstremisckaj dziejnaści) Kryminalnaha kodeksa. Praces viadzie sudździa Alaksandr Rudenka, piša «Viasna».
Volhu zatrymali 23 studzienia 2024 hoda padčas rejdu za salidarnaść z palitźniavolenymi i ich siemjami. Pieršapačatkova žančynu abvinavačvali pavodle art. 361 (zakliki da dziejańniaŭ suprać nacyjanalnaj biaśpieki Biełarusi). Ale paźniej artykuł źmianili.
Miesca ŭtrymańnia Volhi: Śledčaja turma № 8. 222163, h. Žodzina, vuł. Savieckaja, 22A