Biełaruskaha dobraachvotnika buduć zavočna sudzić u «DNR»
U Viarchoŭnym sudzie tak zvanaj «DNR» buduć sudzić hramadzianina Biełarusi Alaksandra Dumblaŭskasa, paviedamiła Hienprakuratura Rasii.
24.09.2024 / 22:18
Alaksandr Dumblaŭskas. Fota: Bysol
21-hadovy Dumblaŭskas abvinavačvajecca pa č. 3 art. 359 Kryminalnaha kodeksa RF.
«Pa viersii śledstva, u pieryjad ź lutaha 2022 hoda pa lipień 2024 hoda Dumblaŭskas u składzie pałka imia Kastusia Kalinoŭskaha prymaŭ udzieł u bajavych dziejańniach na baku Ukrainy ŭ roznych punktach bajavoha sudakranańnia ŭ jakaści najmita. Za nazvanyja dziejańni jon atrymaŭ uznaharodu sumaj, ekvivalentnaj bolš za 2 młn rubloŭ», — zajaŭlaje Hienprakuratura RF.
Dumblaŭskas źjechaŭ ź Biełarusi ŭ 2021 hodzie paśla 11 miesiacaŭ u SIZA, a paśla pačatku vajny dałučyŭsia da pałka Kalinoŭskaha. U lipieni hetaha hoda Basmanny sud horada Maskvy pastanaviŭ zavočna aryštavać Dumblaŭskasa.
Sud u Maskvie zavočna aryštavaŭ biełaruskaha dobraachvotnika, uziataha ŭ pałon dva hady tamu
Kampałka Kalinoŭskaha sustreŭsia z Achmiedam Zakajevam