U Hrodzienskaj vobłaści bankrutuje kampanija viadomaha handbalista
Ekanamičny sud Hrodzienskaj vobłaści adkryŭ spravu bankructva TAA «BB-Vud». Adnym ź jaje ŭdzielnikaŭ źjaŭlajecca viadomy ŭ minułym biełaruski handbalist Andrej Barbašynski. Jak vynikaje z dakumientaŭ, apublikavanych na sajcie AFRSB, kampanija vinnaja kredytoram kala 490 tysiač rubloŭ.
24.09.2024 / 13:06
Andrej Barbašynski. Fota: sb.by
Kampanija «BB-Vud» zarehistravanaja ŭ v. Novaja Hoža Hrodzienskaha rajona, i jaje asnoŭnym vidam dziejnaści źjaŭlajecca «zdača ŭ najom ułasnaj i arandavanaj nieruchomaj majomaści».
Z aktyvaŭ u firmy asnoŭnych srodkaŭ i hrošaj na raźlikovym rachunku — kala 21 tysiač rubloŭ, jašče kala 339 tys. — «debitorki». Konkursnaja vytvorčaść adkryta da 12 śniežnia.
Druhim zasnavalnikam kampanii źjaŭlajecca ZTAA «Biełabiedynh», jakoje zajmajecca vytvorčaściu matracaŭ i artapiedyčnych padušak. Heta pradpryjemstva zarehistravana tam ža, u Novaj Hožy, a jaje kiraŭnikom taksama źjaŭlajecca Barbašynski.
Davieranuju asobu Łukašenki raptoŭna nie zarehistravali kandydatam u Hrodzienski abłasny saviet