Na vučeńniach u Rasii dziela ekanomii bojeprypasaŭ vajskoŭcy kryčać «bu-bu-bu»
Ministerstva abarony Rasii apublikavała videa z rasijska-łaoskich vučeńniaŭ «Łaras-2024» u Prymorji, na jakim čuvać, jak łaoskija vajskoŭcy imitujuć huki strełaŭ svaimi hałasami. Takim čynam vajskoŭcy, vidać, ekanomiać bojeprypasy, piša «Ahientstvo».
23.09.2024 / 22:45
Skrynšot ź videa
Na videa vidać, jak niekalki łaoskich vajskoŭcaŭ padčas vučeńniaŭ «zachoplivajuć» budynki, pry hetym imitujuć huki strełaŭ hałasami. Choć časam na videa čuvać i realnyja streły.
Jak patłumačyŭ «Ahientstvu» rasijski vajskovy analityk Kirył Michajłaŭ, va ŭmovach niedachopu bojeprypasaŭ imitacyja strełaŭ hałasami padčas vučeńniaŭ całkam mahčymaja. Akramia taho, jon adznačyŭ, što na videa bajcy, chutčej za ŭsio, adpracoŭvajuć taktyčnyja pryjomy, padčas jakich stralba nie źjaŭlajecca abaviazkovaj.
Inšy vajskovy analityk Jan Matviejeŭ taksama ličyć, što vajskoŭcy mahli aščadžać chałastyja patrony. Jon adznačyŭ, što vučeńni biez stralby taksama prachodziać, adnak padčas ich vajskoŭcy zvyčajna prosta biehajuć z aŭtamatami.
Kubrakoŭ adpraviŭ na miažu z Ukrainaj AMAP i ŭnutranyja vojski — «kab nie dapuścić praryvu USU»
Źjavilisia spadarožnikavyja FOTY z kančatkovymi vynikami ŭdaru pa składzie ŭ Taropcy. Jany ŭražvajuć