Niderłandcu nie dali ŭvieźci ŭ Biełaruś zołata i srebra
66-hadovy hramadzianin Niderłandaŭ sprabavaŭ uvieźci ŭ Biełaruś 183 srebnyja maniety BRITANNIA 2022 i try załatyja źlitki, nie paznačyŭšy ich u mytnaj dekłaracyi. Ale mytniki na miažy vyjavili nielehalny hruz.
23.09.2024 / 22:01
Skrynšot ź videa
Niderłandziec jechaŭ u Biełaruś z Polščy na lehkavym aŭtamabili Dacia. Incydent adbyŭsia ŭ punkcie propusku «Brest».
Dla pierasiačeńnia miažy kiroŭca abraŭ čyrvony kalidor, dzie padaŭ pasažyrskuju dekłaracyju na tavar, jaki ŭvoziŭsia. Adnak pra maniety i źlitki jon u joj nie zhadaŭ.
Usiaho mužčyna vioz:
-
183 srebnyja maniety BRITANNIA 2022;
-
dva załatyja źlitki C.HAFNER SEIT GERMANY pa 20 hramaŭ i jašče adzin — COMBI BAR vahoj 20 hramaŭ (pa 1 hramu kožny).
Kali b jamu ŭdałosia heta pravieźci nielehalna, to ekanomija na mytnych pošlinach, jak śćviardžajuć u DMK, skłała b kala 10 tysiač rubloŭ.
U vyniku Bresckaja mytnia pačała administracyjny praces u adpaviednaści z častkaj 4 artykuła 15.5 Kodeksa ab administracyjnych pravaparušeńniach Respubliki Biełaruś (niedekłaravańnie tavaraŭ u bujnym pamiery).
Biełarus, jaki haładaŭ u Litvie z-za niavydačy aŭtamabila, spyniŭ akcyju i viartajecca dadomu
DMK: Hruzapatok praź Biełaruś źniziŭsia jašče na 30%
U Biełarusi chočuć skaracić normy biaspošlinnaha ŭvozu tavaraŭ samalotam
Biełarusu pa pošcie prysłali pistalet z patronami. A doma ŭ jaho znajšli ceły arsienał