U šou Sałaŭjova pryznali, što šancy Rasii na pieramohu ŭ realnym supraćstajańni z NATA roŭnyja nulu
«Luboje supraćstajańnie mahčyma tolki z užyvańniem jadziernaj zbroi».
23.09.2024 / 17:11
Vajenny ekśpiert Michaił Chadaronak u vierchnim levym kucie. Skryn videa.
U svajoj čarhovaj pieradačy prapahandyst Uładzimir Sałaŭjoŭ zadaŭ pytańnie vajennamu ekśpiertu, pałkoŭniku zapasu Michaiłu Chadaronku ab tym, nakolki mahčyma supraćstajańnie Rasii i błoka NATA.
«Supraćstajańnie błoku NATA z kanviencyjanalnaj zbrojaj z punktu hledžańnia jaho pieravahi ŭ zvyčajnych srodkach viadzieńnia ŭzbrojenaj baraćby budzie vielmi niavyhadnym [dla Rasii]», — zajaviŭ Chadaronak.
Jon patłumačyŭ takoje paniaćcie jak asnoŭny zakon vajny — chod i vynik uzbrojenaj baraćby vyznačajecca sukupnymi vajenna-ekanamičnymi patencyjałami bakoŭ.
Pałkoŭnik pryznaŭ, što NATA «na paradak, a pa niekatorych pakazčykach i na dva, na try» pieravyšaje ŭzbrojenyja siły Rasii.
«Ustupać u takoje supraćstajańnie tolki z kanviencyjanalnymi srodkami paražeńnia dla nas zusim bieśpierśpiektyŭna. Tamu, jak mnie ŭjaŭlajecca, luboje supraćstajańnie z błokam NATA mahčyma tolki z užyvańniem jadziernaj zbroi. Inšaha varyjantu niama»,
— zakončyŭ svaju dumku Chadaronak.
Rasijski prapahandyst Uładzimir Sałaŭjoŭ atrymaŭ zvańnie padpałkoŭnika
Uładzimir Sałaŭjoŭ nazvaŭ biełharadcaŭ, jakija skardziacca na abstreły, žyviołami