Telegram budzie vydavać uładam IP-adrasy i numary telefonaŭ parušalnikaŭ
Pra novuju palityku miesiendžara Telegram paviedamiŭ jaho zasnavalnik Pavieł Duraŭ u svaim kanale. Pavodle jaho słoŭ, kamanda miesiendžara abnaviła ŭmovy nadańnia pasłuh i palityku kanfidencyjnaści.
23.09.2024 / 16:45
«IP-adrasy i numary telefonaŭ tych, chto parušaje našy praviły, mohuć być raskryty adpaviednym orhanam u adkaz na abhruntavanyja jurydyčnyja zapyty», — havorycca ŭ paviedamleńni.
Taksama Duraŭ paviedamiŭ, što maderatary zabłakavali «prablemny» kantent, znojdzieny praz funkcyju pošuku, i anansavaŭ źjaŭleńnie bota dla danosaŭ na «niebiaśpiečnuju i niezakonnuju» infarmacyju.
«Hetyja miery pavinny adpudzić złačyncaŭ. Telegram Search pryznačany dla pošuku siabroŭ i navin, a nie dla prasoŭvańnia nielehalnych tavaraŭ», — padkreśliŭ pradprymalnik.
U pačatku vieraśnia žurnalisty źviarnuli ŭvahu na toje, što z raździeła ab skarhach na niezakonny kantent na staroncy FAQ tielehrama źnikła zhadka ab pryvatnaści ŭsich čataŭ, a ŭ zakrytych čatach źjaviłasia knopka «Paskardzicca», jakaja dapamahaje adpravić paviedamleńnie na maderacyju.
Paśla hetaha administracyja miesiendžara zajaviła, što palityku biaśpieki ŭ adnosinach da zakrytych čataŭ nie źmianiali.
Paśla zatrymańnia Paŭła Durava Telegram pačaŭ adkazvać na zapyty pravaachoŭnych orhanaŭ
Duraŭ upieršyniu prakamientavaŭ svajo zatrymańnie ŭ Francyi
Pavieł Duraŭ na dopycie zajaviŭ, što supracoŭničaŭ z francuzskimi śpiecsłužbami