Rasija zajaviła, što padčas nastupu USU ŭ Kurskaj vobłaści zahinuli 56 mirnych žycharoŭ
Ukraina adkazała, što vykonvaje mižnarodnaje prava.
23.09.2024 / 14:25
AP Photo
Ministerstva zamiežnych spraŭ Rasii zajaviła, što ŭ vyniku ŭkrainskaha nastupu ŭ Kurskaj vobłaści zahinuli prynamsi 56 mirnych žycharoŭ, a 266 atrymali ranieńni, piša Bi-bi-si
Hetyja źviestki adnosiacca da pieryjadu da 20 vieraśnia, a pa stanie na 5 vieraśnia rasijskaje zamiežnapalityčnaje viedamstva zajaŭlała ab 31 zahinułym mirnym žychary Kurskaj vobłaści.
Pa danych MZS Rasii, z rajonaŭ, dzie iduć bajavyja dziejańni, źjechali 131 tysiač žycharoŭ. Maskva taksama abvinavaciła Ukrainu ŭ tym, što nie daje evakujavacca niekatoraj kolkaści mirnych hramadzian, u tym liku prykładna 70-120 žycharoŭ horada Sudžy, zaniataha USU.
U adkaz na prośbu prakamientavać hetyja zajavy pradstaŭnik MZS Ukrainy Hieorhij Cichi skazaŭ ahienctvu Reuters, što USU vykonvajuć mižnarodnaje humanitarnaje prava i nie nanosiać udaraŭ pa mirnym nasielnictvie.
«Z ulikam taho, što Rasija ŭvieś čas daje falšyvyja ličby i zajmajecca prapahandaj, niama nijakaha sposabu pravieryć hetyja śćviardžeńni, — skazaŭ Cichi. — Kali Rasija choča pakazać realnuju situacyju na miescy, jana moža dać dostup AAN i Čyrvonamu Kryžu».
Nastup USU ŭ Kurskaj vobłaści pačaŭsia ŭ žniŭni.