Мастака Кузьміча, які намаляваў палавы орган у Парыжы, арыштавалі
Кузьміча вінавацяць па крымінальным артыкуле. Інфармацыя пра гэта з’явілася ў сацсетках мастака.
23.09.2024 / 14:19
Скрыншот з відэа
Аляксею Кузьмічу ставіцца ў віну крымінальны артыкул: вандалізм у дачыненні да помніка архітэктуры, які прадстаўляе культурны здабытак Францыі, паведамляецца ў фэйсбуку мастака.
У суботу беларускі мастак-акцыяніст учыніў перфоманс на Вандомскай калоне на аднайменнай плошчы ў Парыжы. Акцыю ён назваў Insemination («Асемяненне»).
На самой калоне і прылеглай прасторы Аляксей Кузьміч жоўтай фарбай з балона намаляваў палавы орган, а пасля лёг на зямлю. Неўзабаве на плошчу прыехала паліцыя.
Раней Кузьміч у канцы ліпеня правёў перформанс на магіле мастака Вінцэнта Ван Гога, пасля чаго ён на пэўны час утрымліваўся пад арыштам, а пасля быў аштрафаваны і абавязаны пакінуць тэрыторыю Францыі.