U Baranavičach «šeryja ryełtary» zavałodali 11 kvaterami
Troje čałaviek pamierli.
23.09.2024 / 13:09
Śledčy kamitet raskryŭ padrabiaznaści kryminalnaj spravy pa abvinavačvańni «šerych ryełtaraŭ» z Baranavičaŭ.
U kastryčniku 2022 hoda 47-hadovy mužčyna raspracavaŭ płan padmanu z dapamohaj 31-hadovaha znajomaha.
Mužčyna šukaŭ adzinokich starych, jakija znachodzilisia ŭ ciažkim materyjalnym stanoviščy i viali asacyjalny ład žyćcia. Jon uciraŭsia da ich u davier, prapanoŭvaŭ dapamahčy ŭ pahašeńni zapazyčanaści pa kamunałcy i prodažy kvatery.
Svajmu zmoŭščyku złamyśnik daručyŭ techničnuju častku: supravadžeńnie padčas pieramovaŭ, publikacyju abjaŭ ab prodažy kvater u internecie, padvoz paciarpiełych u nataryjalnyja kantory, afarmleńnie ździełak kupli-prodažu.
Usiaho ašukancy padmanuli 11 čałaviek i prysvoili čužyja kvatery na ahulnuju sumu bolš za 470 tysiač rubloŭ. Byłych uładalnikaŭ žylla jany pierasialili ŭ staryja damy biez kanalizacyi, aciapleńnia i elektryčnaści. Troje paciarpiełych, žyvučy ŭ takich niečałaviečych umovach, u vyniku pamierli.
Padčas śledstva arhanizatar złačynnaj schiemy vinu nie pryznaŭ. Nibyta jon nikoha nie padmanvaŭ i ŭsie svaje abaviazacielstvy vykanaŭ. Jaho saŭdzielnik pryznaŭ vinu častkova, śćviardžajučy, što atrymlivaŭ nievialikija hrošy nie ad prodažu kvater, a nibyta za pryviadzieńnie žylla ŭ paradak i akazańnie techničnych pasłuh.