Палітзняволеную Аксану Ляпко асудзілі на тры гады калоніі
Яе затрымалі ў межах рэйду па салідарных з палітвязнямі.
23.09.2024 / 10:16
У Гродненскім абласным судзе 20 верасня скончыўся судовы працэс над палітзняволенай Аксанай Ляпко паводле ч. 2 і ч. 1 арт. 361-4 (садзейнічанне экстрэмісцкай дзейнасці). Суддзя Валерый Раманоўскі асудзіў пяцідзесяцігадовую жанчыну на тры гады пазбаўлення волі ў калоніі ва ўмовах агульнага рэжыму. піша «Вясна».
Пракурор Дзяніс Корда запытваў для жанчыны 3 гады і 6 месяцаў калоніі.
Як вядома, Аксану Ляпко затрымалі 23 студзеня 2024 года ў межах так званага «Рэйду па салідарнасці» (рэйду па сваяках і блізкіх палітвязняў і атрымальніках дапамогі ад IneedHelp).
Месца ўтрымання: Турма № 1. 230023, г. Гродна, вул. Кірава, 1